విశ్వంలోకి జీవo ఎలా వచ్చింది? అన్నప్రశ్నకు సృష్టి సిద్దాంతం(Creative theory)ప్రకారం దేవుడు ముందుగా జీవరాశిని, ఆపై మానవుడ్ని సృష్టించాడని, అన్ని మత గ్రంధాలు చెబుతుంటాయి. జీవకోటి ఆవిర్భావం గురించి తమ మత గ్రంధాలలో ఏది చెప్పారో అది హేతుబద్దంగా లేనప్పటికీ దాన్నే చాలా మంది నమ్ముతుంటారు. డార్విన్పరిణామ సిద్దాంతం మానవుడ్ని డోలామాయ స్థితికి తీసికెళ్ళింది. మతము, శాస్త్రం ఈ విషయంలో విభిన్నమైన అభిప్రాయాల్ని కలిగివున్నాయి. కానీ సృష్టికి కారణం ఏదయినా, అన్ని జీవుల జన్మకు కారణం జనని , సర్వచరాలకు వూపిరినిస్తున్నది ఆడప్రాణి అనే విషయం అందరూ అంగీకరించినదే. కోడిపెట్ట పిల్లల్ని పొదగగానె వాటిని కాపాడుకోవడానికి బలమైన గద్దల్ని సైతం పొడిచి పారద్రోలుతుంది. పిల్లి ఏడుసార్లుతన పిల్లల్ని నోటకరచుకుని తిరిగి తిరిగి సురక్షితమైన ప్రదేశం చేరుస్తుంది. కుక్కలు తమ పిల్లల్ని కాపాడుకునేందుకు యజమానిని కూడా దరి చేరనివ్వవు. పక్షులు సైతం తమ పిల్లల్ని సురక్షితంగా గూటిలో దాచుకుని, ఆహారాన్ని నోట కరచుకుని తెచ్చి పిల్లల నోటికి అందిస్తాయి. కంగారూలు తమ శరీరం లోనే సంచుల్ని కలిగి తమ బిడ్డల్నిఎదిగేంత వరకు మోస్తాయి. జంతువుల్లోనే ఇంత మాతృ ప్రేమ వున్నప్పుడు సృష్టిలో ఉత్కృష్టమైన జన్మ కలిగి,పరిణామంలో అత్యున్నతమైన మేధోసంపద పెంపొందించుకున్నమానవ జాతి మాతృత్వంలో విశిష్టత లేకుండా ఎలా వుంటుంది? రాబర్ట్ బ్రౌనింగ్ అనే విక్టోరియన్ ఇంగ్లీష్ కవి తల్లి గురించి ఎంత గొప్పగా చూడండి ..
"Motherhood : All love begins and ends there." - Robert Browning
అమ్మ ప్రేమకు, త్యాగానికి, సహనానికి సమానమైనది లేనేలేదు. అమ్మగొప్పతనంమాటల్లో వర్ణించలేనిది. చిత్రాల్లో చిత్రించలేనిది. అయినా కవులు ఆమె గురించి పద్యాలు రాశారు , ఎంతోమంది ఆమె ఔన్యత్యాన్ని కీర్తించారు. కాలం మారినా, దేశాలు, సంస్కృతులు, నాగరికతలు, సామాజిక పరిస్థితులు మారినా అమ్మ నైజం మారని "నిజం" . ఏ ఇజం లోను అమ్మ విలువ చెదరని ప్రిజమ్. పదినెలలు మోసి, పాలిచ్చి, పెంచి, పెద్దవాళ్ళని చేసినా, చివరి క్షణం వరకు పిల్లల సంక్షేమం కోసం తల్లడిల్లే తల్లి కి మించిన దైవం ఎక్కడుంది?
"No language can express the power, and beauty, and heroism, and majesty of a mother’s love. It shrinks not where man cowers, and grows stronger where man faints, and over wastes of worldly fortunes sends the radiance of its quenchless fidelity like a star. ~Edwin Hubbell Chapin
ఉన్నాడో లేడో తెలియని దైవం కోసం ప్రార్థనలు చేసే మానవులు జన్మ నిచ్చి,కష్టాలు,కన్నీళ్ళ కోర్చి,పిల్లల్ని పెంచి పెద్దచేయడానికి, విద్యాబుద్దులు చెప్పడానికి ఎన్నిఅవస్థలు పడుతుందో, ఎన్ని త్యాగాలు చేస్తుందో! అలాంటి తల్లిని నేటి తరం విస్మరిస్తున్నారు. తల్లి సమక్షానికి మించిన గుడి, మసీదు, చర్చీ , గురుద్వారా, సినగాగ్ లేదు. అమ్మ ప్రేమ గురించి రొమాంటిక్ సాహిత్యానికి చెందిన ప్రముఖ కవి శామ్యూల్ టేలర్ కాల్రిడ్జ్ వుపాచ :
“The love of a mother is the veil of a softer light between the heart and the heavenly Father.” Samuel Taylor Coleridge
ఈ ప్రపంచంలో చెడ్డ తండ్రి , చెడ్డ అన్న, తమ్ముళ్ళు ,చెడ్డ అక్క చెల్లెళ్ళు, చెడ్డ గురువు, చెడ్డ స్త్రీ వుంది కానీ చెడ్డ తల్లి లేదు. కీర్తి శేషులు, ప్రముఖ రచయిత్రి మాలతి చందూర్గారి (ఆంద్రప్రభ పత్రికలో) ప్రశ్నలు జావాబు ల శీర్షికలో ఒక యువకుడు ఇలాప్రశ్నించాడు. "నేను చాలా బాగా చదువుకుని ఒక ఉన్నతమైన వుద్యోగం సంపాదించాను,నా తండ్రి నా చిన్నప్పుడే చనిపోయాడు, నా తల్లి నా చదువుకుకావాల్సిన డబ్బు పంపడానికి ఎంతో కష్టపడింది, అయితే ఆమె నాకు డబ్బు పంపడానికి వ్యభిచారం కూడా చేసిందని నాకు తెలిసింది. ఇది నేను జీర్ణించుకోలేక పోతున్నాను. ఆమె ముఖం కూడా చూడలేకపోతున్నాను. చచ్చి పోవాలనిపిస్తోంది. మీరేం సలహాఇస్తారు ?"
"చచ్చిపో..! తల్లి కష్టాన్ని, త్యాగాన్నిగుర్తించలేని కొడుకు ఈ భూమికి భారం " అని సమాధానం ఇచ్చారట.
Motherhood is priced
Of God, at price no man may dare
To lessen or misunderstand.
~Helen Hunt Jackson
ఒక తల్లి తన ప్రాణాల్ని ఫణంగా పెట్టి, నరకయాతన అనుభవించి, భయంకరమైన నొప్పిని తట్టుకుని, ప్రాణ కోటిని ఈ ప్రపంచానికి అందజేస్తుంది! మగవాడి క్షణిక సుఖానికి ఫలితంగా తొమ్మిది నెలలు గర్భం లో శిశువును మోసి. దుర్భర మైన ప్రసవ వేదనపొంది బిడ్డల్ని కంటుంది ! ఏ పాపం చేసినా స్త్రీ పుణ్య మూర్తే! ఆమె అన్నితప్పుల్ని కడిగే మంత్రజలం మాతృత్వం! పన్నెండేళ్ళ పసితనం లో తల్లయినా, ప్రౌఢ ప్రాయం లో తల్లయినా, ఆరోగ్యంలో తల్లయినా, అనారోగ్యం లో తల్లయినా ,డబ్బున్న స్థితిలో అయినా, పేదరికంలో అయినా తల్లి పాత్రలో తేడా లేదు. మానసిక స్థితి సరిగ్గా లేని స్త్రీని ఏ కామాంధుడో తల్లిని చేస్తే అంతటి దుర్భలురాలు సైతం తన బిడ్డను కంటికి రెప్పలా కాపాడుకుంటుంది. వంటి మీద బట్టలు వున్నాయో లేవో చూసుకోలేని ఆ తల్లి బిడ్డను పొత్తిళ్ళలో దాచుకుంటుంది. ప్రకృతి స్త్రీని తల్లిని చేసి ఆమెను ఉన్నతురాలిని చేసిందా? లేక బలహీనురాలిని చేసిందా? మాతృత్వం అన్నివేళలా స్త్రీకి వరం కాదు, కొన్ని సార్లు అది పాపమై,శాపమై ఆమెను నిస్సహాయురాల్ని చేసి సమాజం లో దోషిగానిలబెడుతుంది. ఆనాటి భారతం లోని కుంతీ దేవి నుండి ఎన్నో ఉదాహరణలు దీనగాధలు. అయినా ఆమె ఎక్కడా మాతృమూర్తిగా వోడిపోలేదు. బలాత్కారానికి గురయ్యి తల్లయినా, మోసపోయి తల్లయినా, గర్భానికి కారణ మైన మగవాడి పై ఎంత ద్వేషం , అసహ్యం వున్నా కడుపున మోసిన బిడ్డపై ఆమె మమకారం ఒకేలా వుంటుంది.
All women become like their mothers. That is their tragedy. No man does. That’s his.
~Oscar Wilde,
అమ్మ పాడిన లాలిపాట మరణించే టప్పుడు సైతం వినపడుతుంది. నాన్న చేసే పని ఉదయం పది నుండి సాయంత్రం దాకే, మరి అమ్మ విశ్రమించేది పది దాటాకే,అది కూడాఅందరు నిద్రపోయాకే. అమ్మ ప్రేమ రెక్కలు విచ్చుకుంటున్న పువ్వులా సున్నితమైంది. పిల్లలను ఆ పరిమళ సౌరభాలు ఎప్పటికి వీడవు. అమ్మ ప్రేమ దేవాలయం, అమ్మఉనికి విద్యాలయం. అమ్మ కాంతి పంచే ఉదయం, వెన్నెల పంచే రాత్రి. అమ్మ శాంతి కపోతం. దయా పారావతం, అమ్మ ప్రేమ జలపాతం ,అమ్మ వెచ్చని హిమపాతం. అమ్మ వొడి మన మొదటి బడి.
Because I feel that in the heavens above
The angels, whispering one to another,
Can find among their burning tears of love,
None so devotional as that of "Mother,
~Edgar Allan Poe”
ప్రపంచ ప్రఖ్యాతి పొందిన చక్రవర్తులు, రాజులు , వీరులు శూరులు, విప్లవకారులు, కవులు రచయితలు, గాయకులు విప్రవకారులు ,రచయితలు తల్లి తోడ్పాటు తోనే తమ భవిష్యత్తు నిర్మించుకున్నారు. అలెక్షాoడర్ ప్రపంచాన్ని జయించి నప్పటికీ తన తల్లి వొలింపస్ సహకారం తోనే ఆమె అండ దండలతోనే రాజ్యాధి కారం చేపట్టాడు, ప్రపంచ వీరుడయ్యాడు. అతని తండ్రి సహకారం ఇందులో తక్కువే.
Mother love is the fuel that enables a normal human being to do the impossible. ~Marion C. Garretty,
అబ్రహం లింకన్ మానవత్వానికి మరో పేరు. 216 సంవత్సరాల క్రిందట పుట్టిన ఆయనకు ఈనాటికి అదే నివాళి ఇస్తోంది ప్రపంచం. అమెరికా 16 వ ప్రెసిడెంట్ గా ఆయన సాధించిన విజయాలు నీగ్రోల బానిసత్వపు సంకెళ్ళ ను చేధించాయి. హానెస్ట్ అబే గా (Honest Abe ) చిన్నతనం నుండి పేరొందిన లింకన్ తన విజయాలకు ,అభివృద్ధికి, వ్యక్తిత్వానికి తన తల్లి, తన చిన్నమ్మ (step mother) కారణమని ఆయన గర్వంగా ఇలా చెప్పుకున్నారు.
“All that I am, or hope to be, I owe to my angel mother. I remember my mother's prayers and they have always followed me. They have clung to me all my life.” Abraham Lincoln
చత్రపతి శివాజీ వీరత్వానికి , ఉన్నత మైన వ్యక్తిత్వానికి ,విలువలకు పెట్టింది పేరు . శివాజీ తండ్రి షాహాజి భోంస్లే , శివాజీని తల్లి సంరక్షణలోనే వదిలి కర్నాటక వెళ్ళిపోయారు .అతని తల్లి జిజియా బాయ్ పెంపకం లోనే శివాజీ ఒక ప్రత్యేక మైన వ్యక్తిత్వాన్ని రూపొందించుకున్నాడు . స్త్రీలను గౌరవించడం వారిని తల్లిగానో చెల్లి గానో చూడాలని బోధించడమే కాకుండా ,తన సైనికులు ,ప్రజలు పాటించే విధంగా చూశారు. హెన్రి బికర్ స్టేత్ ఏమంటారో చూడండి -
"If the whole world were put into one scale, and my mother in the other, the whole world would kick the beam. ~Lord Langdale Henry Bickersteth.
ఈ మధ్యే చెన్నై లో ఆకాష్ వైద్యశాలలో ఒక తల్లి, అరవై దాటిన వయసులో తన కూతురు కోసం సరొగసి తల్లిగా మారి తన కూతురికి కూతురిని బహుమతి గా ఇచ్చి, ఒక అరుదైన తల్లిగా చరిత్ర లో నిలిచిపోయింది. తల్లి చేయని త్యాగం ఇలలో లేదు.
If you have a mom, there is nowhere you are likely to go where a prayer has not already been. ~Robert Brault.
మన జాతిపిత మహాత్మా గాంధి తల్లి పుతలి బాయ్. మహాత్ముని గొప్ప గుణాలైన ,సత్యం ,అహింస , వోర్పు, పట్టుదల, మాట తప్పని నైజం తన తల్లి దగ్గర నేర్చుకున్నదే. ఆమె మహా భక్తురాలు.ఉపవాసాలు అతి కఠినంగా పాటించేది.రెండు మూడు రోజులు తినకున్నా ఆమె ఎంతో చలాకీగా వుండేది. ఈ ఆత్మ నిగ్రహాన్నితల్లి దగ్గర నుండి గాంధి గ్రహించి "సత్యాగ్రహం" అనే గొప్ప ఆయుధంగా చేసుకుని రవి అస్తమించని బ్రిటిషు సామ్రాజ్యాన్ని కూకటివేళ్ళతో పెకిలించి వేసి, భారత దేశానికి స్వాతంత్ర్యం తెచ్చాడు. పుతలి బాయ్ చేసుకున్న పుణ్యం ,ఆమె గాంధీని తీర్చి దిద్దిన వైనం మన బానిసత్వాన్ని పోగొట్టింది .ప్రతి పురుషుని విజయం వెనుక ఒక స్త్రీ మూర్తి వుంటుంది. చాలా సార్లు అమె తల్లి అయి వుంటుంది.
Mother is a name held sacred It means great love and sacrifice
From the very day of birth,
A love that's so full of beauty,
So tender, so very true!
Something, seemingly, from Heaven
That has come to me and you.
There's no love so understanding
And so faithful to the end
As a Mother's love—God bless her!—
That to us our Lord did send.
~Gertrude Tooley Buckingham, "Mother" (1940s)
అమ్మ క్షమకు మారు పేరు. ఎన్ని తప్పులు చేసినా ఆమె తన పిల్లల్ని క్షమిస్తుంది . భూదేవి సహనం ఆమె సహజ గుణం తనను ఆదరించకున్నా ,ఎంత నిర్దయగా ఆమెను ఇంటి నుండి గెంటి వేసినా తన సంతానం బాగుండాలని ఆమె కోరుకుంటుంది. తల్లి ప్రేమకు రుజువులు అవసరం లేదు . తల్లి ప్రేమకు పరీక్ష పెట్టిన వారు మానవత్వాన్ని మరిచిన వారు . ఎంత ఎత్తుకు ఎదిగినా ,తాము నిలబడ్డది వార్ధక్యం తో వంగిపోతున్న ఒక తల్లి భుజాల పై అని గ్రహిస్తే ,ఆమెను నిరాదరణకు గురి చేయరు . భారతీయ సంస్కృతిలో తల్లిని మాతృ దేవో భవ అని కీర్తించారు.శ్రవణ కుమారుడు తల్లిదండ్రుల్ని కావడిలో మోసుకుంటూ వాళ్ళను ఎన్నో తీర్థయాత్రలు తిప్పాడు . దశరథుని బాణానికి కుప్పకూలిన శ్రావణ కుమారుని ఆఖరి కోర్కె తన తల్లి దండ్రులకు నీళ్ళు అందజేయమని . కొడుకు మరణ వార్త విన్న వాళ్ళు మరణించడం విడ్డూరం కాదుకదా !
The heart of a mother is a deep abyss at the bottom of which you will always find forgiveness. ~Honoré de Balzac
తన పిల్లలనే ప్రేమించడమే కాకుండా ఆమె తల్లి కాగానే అందర్నీ ప్రేమించే గుణం ఆమెకు అలవడుతుంది. ఏ బిడ్డ ఏడ్పు విన్నా తల్లి హృదయం ద్రవిస్తుంది . తన ,పర అన్న బేధం లేకుండా దగ్గర తీస్తుంది. ఆంజెలిన జోలి అనే హాలివుడ్ నటి తన ముగ్గురు పిల్లలనే కాకుండా కంబోడియాకు చెందిన ఒక అబ్బాయి ని ,వియాత్నం కు చెందిన ఒక అబ్బాయిని ,యుథియోపియా కు చెందిన అమ్మాయిని దత్తత తీసుకుంది. ఎంతో పెద్ద నటిగా ప్రఖ్యాతి పొందిన ఆమె వివిధ దేశాలకు చెందిన అనాధల్ని ఆదరించడం ఆమెను గొప్ప మాతృ మూర్తిగా చేశాయి . కన్న బిడ్డల్ని ప్రేమించడమేమీ గొప్ప కాదు , అది ప్రకృతి సహజంగా స్త్రీకి కలుగుతుంది అయితే తాను తల్లే కాకుండా సుస్మిత సేన్ మాజీ విశ్వ సుందరి ఒక అనాథకు తల్లిగా మారి ఎంతో మందికి ఆదర్శంగా నిలిచింది.
Who fed me from her gentle breast
And hushed me in her arms to rest,
And on my cheek sweet kisses prest?
Who ran to help me when I fell,
And would some pretty story tell,
Or kiss the place to make it well?
My mother.
~Ann Taylor
అమ్మ విశ్వంతర్యామి . ఆమె ప్రేమ ఎడారిలో ఒయాసిస్ . ఆమె దయ ఎన్నటికి ఎండిపోనీ ఊట బావి ,ఆమె కరుణ చల్లటి నీరిచ్చే చెలిమ . ఆమె అనురాగం అనంతమైన ప్రేమ సాగరం . ఆమె హృదయం ఆకాశమంత విశాలం . ఆమె రూపం ప్రకృతిలా మనోహరం . అమ్మ ఒక వ్యక్తి కాదు . అమ్మతనం అపురూపమైన దివ్య సాక్షాత్కారం . అమ్మ సృష్టి కారణం, నిత్యo మోస్తుంది మానవజాతి సంరక్షణ భారం . అమ్మకు జేజేలు ,అమ్మ విశ్వ ప్రేమకు నీరాజనాలు.
A mother is the truest friend we have, when trials heavy and sudden, fall upon us; when adversity takes the place of prosperity; when friends who rejoice with us in our sunshine desert us; when trouble thickens around us, still will she cling to us, and endeavor by her kind precepts and counsels to dissipate the clouds of darkness, and cause peace to return to our hearts. ~Washington Irving
Published inAbdul Rahim Rtd I.G 'S Souvenir on Mother
